©Cantico dei Cantici, Traduzione in sardo campidanese di Gianluca Carrogu,
progetto sviulppato all'interno del Corso Traduzione e Inculturazione della Bibbia
presso la Pontificia Facoltà Teologica della Sardegna, Cagliari.

Pubblichiamo la seconda stesura dei primi due capitoli per la seconda verifica. 
I partecipanti al corso (ma anche altri interventi sono i benvenuti) possono inviare osservazioni.

¹Su Cantidu prus bellu ca est de Salomoni.

²M’hessit basau cun basidus ‘e sa ‘ucca sua.

Bellu prus ‘e su binu s’amori tuu;

³bellus po profumu is unguentus tuus.

Che ollu chi spaniat su nomini tuu

labai cantu ti ‘olint is giovuneddas.

⁴Portamì avatu tuu, heus a curriri impari a tì.

Ne is aposentus suus m’hat fattu intrai su re;

s’indi heus a prexiai e allirgai cun tui,

prus ‘e su binu heus a arregordai s’amori tu;

labai cantu ti ‘olint

⁵Niedda seu e bella,

fillas de Gerusalemmi;

che is tendas de Chedar,

che is telus de Salomoni.

⁶No s’abarreis castiendi a mei, ca seu niedda,

ca m’hat castiau su soli.

Is fillus ‘e mammai si funti arrennegaus cun mei,

m’hanti postu castiadora de is bingias,

e sa ‘ingia, cosa mia, no d’hapu castiada.

⁷Naramì tui,

s’amori de s’anima mia,

abini andas a pasciri?

Abini merias a mesudì?

Poita depu essiri che femina bandulera,

in mesu a is tallus ‘e is amigus tuus?

⁸Si no ddu scis,

o sa prus bella de is feminas,

beni avatu ‘e s’arrastu ‘e is brebeis,

e pasci is crabittas tuas,

accanta de is tendas ‘e is pastoris.

⁹A sa puddecca intre is carrus ‘e su Faraoni

t’hapu assimbilau, s’ isposa mia.

¹⁰Ita bellas is trempas tuas in mesu a sa prenda

su zugu tuu in mesu a filus ‘e perlas

¹¹Prenda de oru heus a fai po tui,

cun puntus ‘e prata.

¹²Mentris issu, su rei, fut pasiendi,

su nardu miu hat bogau su profumu suu.

¹³Che fasci ‘e mirra s’isposu miu po mei,

in mesu ‘e is petturras mias hat a passai sa notti.

¹⁴Che troni ‘e cipru s’isposu miu po mei,

in mesu ‘e is bingias ‘e Engheddi.

¹⁵Labai ita bella s’isposa mia,

labai ita bella; che columbas is ogus tuus.

¹⁶Labai ita bellu s’isposu miu, fintzas donosu,

su lettu nostu fintzas froriu.

¹⁷Is traias de is domus nostas funti is cidrus,

is bovidas nostas is cipressius

II Capitolo

¹Deu seu frori ‘e Sciaron,

lillu ‘e arroas.

²Che lillu in mesu de s’arrù,

Aici s’isposa mia in mesu ‘e is piccioccheddas.

³Che una mata ‘e mela in mesu ‘e matas ‘e cracchiri

aici s’isposu miu in mesu ‘e is piccioccheddus;

a s’umbra sua hapu disigiau de essiri

e su fruttu suu fut druci a su palau.

⁴M’hat fatu intrai in sa domu ‘e su binu,

e s’istendardu suu asuba mia est amori (e s’amori suu m’hat totu stendiau.) (e appizzus miu hat postu s’istendardu ‘e amori)

⁵Torraimì is sentidus cun drucis

sustentaimì cun sa mela

ca deu seu maladia ‘e amori:

⁶sa manu manca m’hat postu asutta ‘e sa conca,

e sa deretta m’hat imprassada.

⁷S’hapu fatu promittiri fillas ‘e Gerusalemmi po is gazellas,

po is cerbas ‘e su sattu:

no ‘ndi scideis e no azzizzeis s’amori po cantu chi issu no ddu ‘olat (disigit).

⁸Citei: s’isposu.

Labai: est arribendi,

sartendu ne is montis,

pistinchendi ne is cuccurus.

⁹Assimbilat s’isposu miu a unu cabriolu,

a unu mascu de cerbus.

Labai: est a palas ‘e su muru nostu;

castiendi de is fentanas,

sirbendi de is portalitus (inferriadas).

¹⁰Arrespundit s’isposu miu e mi narat:

«Pesadindi s’isposa mia, bella mia e bessinci;

¹¹poita, labai, s’ierru s’indi est andau,

s’aqua est sparessia, s’indi est andada.

¹²Su sermentu est boghendi is ogus (pillonis),

su tempus ‘e cantai est arribau

e sa truttiri si fait intendiri in sa terra nosta.

¹³Sa figu imbraxendi bogat su profumu suu

e aici puru su sermentu.

Pesadindi s’isposa mia, bella mia e bessinci.»

¹⁴Columba mia, chi ses ne is zaccaduras de s’arrocca,

cuada ind’unu sdorroccu,

faidì biri,

faimì intendiri sa boxi tua;

poita sa boxi tua fait prexeri e su ti biri est cosa bella

¹⁵Poderai is mraxanis,

is mraxianeddus chi arrogant is bingias,

e sa nosta frorida.

¹⁶S’isposu miu est po mei e deu po issu,

Issu pascit in mesu de is lillus.

¹⁷Po tanti ca est ancora luxi,

e su soli no s’est cuau;

torra s’isposu cumenti unu cabriolu,

o unu mascu de cerbus, ne is montis rapidus.

Tradotto da Gian Luca Carrogu