© Vangelo di Marco 1999. Traduzione in sardo campidanese, variante del Sarcidano isilese,

di Antioco e Paolo Ghiani. Consulenza esegetica di Antonio Pinna.
Proposta di traduzione Ghiani 1999 con osservazioni Pinna 1999-2000

pubblicata su
Vita Nostra 2000, anno 40:
Mc 9,30-37: n. 33, Domenica 24 settembre 2000, p. 5
Mc 9,30-50: n. 34, Domenica 01 ottobre 2000, p. 5

Marcu 9,30-37
Is fueddus de is iscientis – Sa primu parti

³⁰Bessius de innì, passànt peri sa Galilea, e non boliat a ddu sciri nemus. ³¹Ca donàt imparu a is iscientis suus e ddis naràt: «Su Fillu de s’òmini est intregau a is manus de is òminis e dd’ant a bociri e, apustis mortu tres dis, at a arresuscitai». ³²Issus no isciant custus fueddus e timiant a ndi ddi pregontai.

³³E fiant lòmpius a Cafarnau e candu fut aintru de sa domu ddis iat pregontàu: «Ita fiais arrexonendi in sa bia?». ³⁴Ma issus abarrànt citius, ca s’unu cun s’atru, in sa bia, iant pigau fueddus po chini iat èssiri su prus mannu. ³⁵Tandus, apustis sètziu, iat tzerriau a is Doxi e ddis iat nau: «Chi unu bolit èssiri su primu, at a dèpiri èssiri s’ùrtimu de totus e su srebidori de totus». ³⁶E pigau unu pipiu, dd’iat postu in mesu insoru e imprassendiddu ddis iat nau: ³⁷«Chini at a arriciri, a nòmini miu, unu de icustus pipius, arricit a mimi. E chini arricit a mimi, no est a mimi chi arricit ma a chini m’at mandau».

Marcu 9,30-50
Is fueddus de is iscientis – Sa de duas partis

³⁰Bessius de innì, passànt peri sa Galilea, e non boliat a ddu sciri nemus. ³¹Ca donàt imparu a is iscientis suus e ddis naràt: «Su Fillu de s’òmini est intregau a is manus de is òminis e dd’ant a bociri e, apustis mortu tres dis, at a arresuscitai». ³²Issus no isciant custus fueddus e timiant a ndi ddi pregontai.

³³E fiant lòmpius a Cafarnau e candu fut aintru de sa domu ddis iat pregontàu: «Ita fiais arrexonendi in sa bia?». ³⁴Ma issus abarrànt citius, ca s’unu cun s’atru, in sa bia, iant pigau fueddus po chini iat èssiri su prus mannu. ³⁵Tandus, apustis sètziu, iat tzerriau a is Doxi e ddis iat nau: «Chi unu bolit èssiri su primu, at a dèpiri èssiri s’ùrtimu de totus e su srebidori de totus». ³⁶E pigau unu pipiu, dd’iat postu in mesu insoru e imprassendiddu ddis iat nau: ³⁷«Chini at a arriciri, a nòmini miu, unu de icustus pipius, arricit a mimi. E chini arricit a mimi, no est a mimi chi arricit ma a chini m’at mandau».

³⁸Giuanni dd’iat nau: «Su maistu, eus biu a unu boghendinci is dimònius faendi su nòmini tuu, e si ddu fiaus proibendu, ca non poniat infatu a nosu». ³⁹Ma Gesùs, iat nau: «Non ddu proibais, ca no nci at nemus chi fatzat unu miràculu a nòmini miu e totu in d'una potzat fueddai mali de mimi. ⁴⁰Ca chini no est contras a nosu est po nosu.

⁴¹Chinechisiat chi si dongiat a bufai una tassa de àcua a nòmini ca seis (camminendi) cun  su Cristus, diaderus, si ddu nau deu: non nci at a pèrdiri sa paga cosa sua.

⁴² E chinechisiat chi fatzat imbruchinai a unu de icustus prus pitius chi creint [a mimi], est mellus meda po issu a nci ddi passai su tzugu in d'una perda de mola de molenti e a nci ddu getai a fundu de mari .

⁴³E chi sa manu tua ti fait imbruchinai, segandedda: est mellus po tui a intrai in sa vida mrugu, che a lòmpiri cun totu a is duas manus a sa Geenna, anca est su fogu chi non si ndi studat. (⁴⁴)

⁴⁵E chi su pei tuu ti fait imbruchinai, segandeddu: est mellus po tui a intrai in sa vida tzopu che chi ti nci getint a sa Geenna cun totu a is duus peis. (⁴⁶)

⁴⁷E chi s’ogu tuu ti fait imbrunchinai, bogandeddu: mellus po tui a intrai a s’arrènniu de Deus bisogu che cun totu a is duus ogus a ti nci getai a sa Geenna, ⁴⁸anca su bremi insoru non si morit e su fogu non si ndi studat:

⁴⁹ca donniunu at èssiri salìu cun su fogu. ⁵⁰Bonu su sali; ca chi su sali torrat a bambu, cun ita ddu saleis? Porteis sali in mesu de bosatrus e totu e bivei in paxi is unus cun is atrus.