* Queste le ho prese da una raccolta fatta a Isili dai bambini delle scuole elementari, non so esattamente in quale anno, ma non meno di vent’anni fa. Le fonti però potrebbero anche non essere isilesi. (A. Ghiani, 2001)
A innui ses andendi Sennoredda mia,
deu seu andendi a cicai a fillu miu
ca mi dd’at tentu unu cani Giudeu,
e mi ddu portat de monti in monti,
sa gruxi de oru dda portat in fronti
sa gruxi de linna no dda podit tirai
sonai sonai is campanas de mari
e sonaiddas cun grandi dolori
Gesus ch’est mortu su Signori
Gesus ch’est mortu e interrau
litaredda m’at mandau
litaredda beni scrita
su sonu de sa trombita
su sonu de sa cadena
Maria dolu e pia,
Maria dolu e pena
su fillu chi teniat
tanti ‘onu e tanti amau
de Giudeu mali tratau.
A innu’est andendi Sennoredda mia
deu seu andendi a cicai a fillu miu
e ap’agatau sa ‘ia arromada
apu pregontau chi nci fiat passada
nci fiat passada nostra Signora
e santu giusepi ddi faiat cumpangia
e tzìpiri e murta e cambus de olia.