(††) dopo un termine che appare solo una volta in tutto il Nuovo Testamento

(†) dopo un termine che appare solo una volta in Lc.

L'accento delle parole, ove non indicato, cade sulla penultima vocale.

Lc 09,01 Si giameit, duncas, sos Dòighi e lis deit fortza e autoridade subr’a totu sos dimònios e de sanare sas maladias

Lc 09,02 e los imbieit a annuntziare su regnu ‘e Deus e curare [sos malàidos],

Lc 09,03 e lis nerzeit: “No bos leedas nuddha pro caminu, ne bàculu ne bèrtula ne pane ne dinari ne apedas duas tùnigas peròmine.

Lc 09,04 E si intrades a una domo, tratenìdebbos inie fintzas chi boch’andhedas dae cussu logu.

Lc 09,05 E donzi ‘olta chi no bos atzetan, candho ch’essides dae cussa tzitade iscutinàdendhe su piùere dae sos pes bostros, pro testimonia contr’a issos.

Lc 09,06 Assoras issos si ch’aviein e andhein peri sas biddhas annuntziendhe s’evangèliu e sanendhe in totue.

Lc 09,07 Intendheit, duncas, Erodes su tetrarca totu su chi fit sutzessu e no ischiat ite si ndhe pessare de su chi aian nadu tzertosunos, chi Giuanne si ndhe fit ischidadu dae sos mortos,

Lc 09,08 e tzertos àteros, in càmbiu, chi fit apàrfidu Elias, e àteros ancoras, chi si ndhe fit torradu a pesare calicunu de sos profetas antigos.

Lc 09,09 Nerzeit assoras Erodes: “A Giuanne l’apo fatu degogliare; e duncas chie est custu de chie so intendhendhe cosas gai?”. E fit chirchendhe de lu ‘ider.
 

10 E candu funt torraus, is apostolus dd'ant contau totu su chi iant fatu. E Gesùs ndi ddus at pigaus e ndi fut andau a disparti faci a una citadi chi ddi narànt Betsaida.

Lc 09,10 E-i sos apòstulos candho recuein relatein a Gesùs totu cantu su chi aian fatu. E Gesùs si los leeit cun isse e si retireit a dibbanda in d-una ‘iddha chi li naran Betsàida.

11 Ma sa genti at cumprendiu e dd'at sodigau, tandus issu dd'at arricìa e ddi fueddàt de s'arrènniu de Deus, e sanàt is chi teniant abisongiu de cura.

Lc 09,11 Ma sa zentòria ‘enzeit a l’ischire e li andheit fatu. E isse l’acoglieit e si ponzeit a li faeddhare de su regnu ‘e Deus e a sanare sos chi netzessitaian de esser curados.
 

12 In s’interis, sa dì at cumentzau a nci abasciai e is Doxi (apostolus) fiant acostiaus e dd'ant nau: « Dispedi sa genti chi andit peri is biddas e is terras totu a ingìriu po agatai aprigu e cancuna cosa de papai, ca seus in d'unu logu assolau».

Lc 09,12 Sa die, pero, fit comintzendhe a benner mancu. Assoras sos Dòighi si li acurtziein e li nerzein: “Dispacia sa zente, a tales chi andhen a sas biddhas e a sas campagnas a inghìriu ‘e innoghe a s’agatare ite mandhigare e inue fagher allogiu, dadu chi innoghe semus in d-unu logu desertu”.

13 Ma issu ddis at nau: «Donaiddis a papai bosatrus e totu ». E issus dd'ant nau:
«Nosu portaus feti cincu panis e duus piscis, foras chi no andeus nosu e totu a comporai mandiari po totu custu populu. 

Lc 09,13 Assoras Gesùs lis nerzeit: “Dàdelis bois etotu a mandhigare”. E nerzein issos:”Nois amus ebbia chimbe panes e duos pisches, a mancu chi no b’andhemus nois a comporare recatu pro totu custu pòbulu”.

14 Ca ddu’iat giai cincu milla ominis. 

Tandus at nau a is iscientis suus: «Faeiddus isterri a fiotus de cincuanta, cantu prus o mancu»

Lc 09,14 Fin difatis unos chimbemiza òmines. Nerzeit assoras a sos dischentes suos: “Faghìdelos isterrer a grupos de una chimbantina”.

15 E aici iant fatu faendi sterri a totus.

Lc 09,15 E gai fatein e los fatein isterrer totu cantos.

16 Tandus at pigau is cincu panis e is duus piscis e, pesendi is ogus a celu, ddis at nau una beneditzioni e ddus at pratzius e ddus donàt a is iscientis po ddus aporri a sa genti.

Lc 09,16 Leeit assoras sos chmbe panes e-i sos duos pisches , peseit sos ojos a chelu, los beneigheit, los parteit e si ponzeit a los dare a sos dischentes pro los porrire a sa zente.

17 E totus ant papau e si funt prandius e nd'ant pinnigau su chi ddis fut srobau: doxi cadìnus de arrogus

Lc 09,17 E mandhighein e s’atatein totu cantos, e de su chi lis fit sobradu che leein dòighi còrvulas de bìculos.

Discussione

alto