(††) dopo un termine che appare solo una volta in tutto il Nuovo Testamento

(†) dopo un termine che appare solo una volta in Lc

L'accento delle parole, ove non indicato, cade sulla penultima vocale.

Lc 22,39 E nc’est bessiu comenti acostumàt a fai a su monti de is Olivarius, e is iscientis suus ant sodigau a issu.

Lc 22,39 Ch'esseit e andheit, comente costumaiat, a su Monte 'e sas Olias; sos dischentes puru andhein fatu a isse.

Lc 22,40 E lompius a su logu ddis at nau: «Pregai, po no intrai in tentatzioni».
 

Lc 22,40 Giòmpidu a-i cussu logu, nerzeit a issos: "Pregade, pro no intrare in tentatzione".

Lc 22,41 E issu si nc’est illagrau su tanti de unu tiru de perda e s’est inginugau e pregàt,

Lc 22,41 E s'istejeit dae issos su tantu 'e un'iscuta 'e pedra e s'imbenujeit e si ponzeit a pregare nerzendhe:

Lc 22,42 narendi: «Babbu miu, chi tui bolis istresiaminci custu calixi! Ma no siat fata sa voluntadi mia, ma sa tua».

Lc 22,42 "Babbu, si cheres, istèjache custu càlighe dae me; pero no sa voluntade mia ma sa tua si fetat".

Lc 22,43 Insaras dd’est cumpartu unu missu de su celu po ddu cunfortai.

Lc 22,43 L'aparfeit tandho un'ànghelu dae su chelu pro lu cunfortare.

Lc 22,44 E intrau in axìu (agonia), pregàt prus e prus. E su sudori suu s’est fatu comenti de istiddius de sanguni chi nci arruìant a terra.

Lc 22,44 Intreit in pelea e si ponzeit a pregare cun piùs forza e-i su suore si li fateit comente a pietas de sàmbene chi ruian a terra.

Lc 22,45 E si nd’est pesau de su pregai (de sa preghiera), est andau acanta de is iscientis e ddus at agataus dromius po sa tristura.
 

Lc 22,45 E daghi si ndhe pesèit dae pregare, ‘enzèit a ue fin sos dischentes e los agateit drommidos dae sa tristura.

Lc 22,46 E ddis at nau: «Poita si seis dromius? Pesaisindi e pregai po no intrai in tentatzioni».

Lc 22,46 E lis nerzèit: "Proite sezis drommendhe? Pesadebbondhe e pregade, pro no intrare in tentatzione".

Discussione

alto

Confronto sinottico traduzione campidanese Ghiani 1998-2003

© Vangelo di Marco 2003.
Traduzione dal greco in sardo campidanese, variante del Sarcidano isilese, di Antioco e Paolo Ghiani.
Traduzione dal greco in sardo logudorese di Socrate Seu.
Consulenza esegetica di Antonio Pinna

 Versetti

Discussione