(†) dopo un termine che appare solo una volta in Lc

l'accento delle parole, ove non indicato, cade sulla penultima vocale

Lc 22,54 Insaras ndi dd’ant pigau e ndi dd’ant ingortu (leau) e dd’ant fatu intrai a domu de su predi maiori. E Perdu ddu sodigàt de aillargu.

Lc 22,54 Tandho l’arrestein e che lu leein e l'intrein a sa domo ‘e su sumu satzerdote. Pedru poniat fatu dae atesu.

Lc 22,55 E ant allutu unu fogu in mesu de sa pratza e si funt setzius a ingiriu; e Perdu s’est setziu in mesu insoru.

Lc 22,55 E allumein unu fogu in mesu a sa corte, si setzein tot'umpare a inghìriu e Pedru puru si setzèit in mesu a issos.

Lc 22,56 Insaras una srebidora, biendiddu setziu acanta de su fogu, dd’at beni castiau (fissau) e at nau: «Cust’omini puru fiat cun issu».

Lc 22,56 Ma una teraca, daghi lu 'ideit sètzidu acurtzu a su fogu, si l’abbaideit bene e nerzeit: "Custu puru fit cun isse".

Lc 22,57 Ma issu s’est nagau, narendi: «O sa femina, dèu no ddu connosciu!».

Lc 22,57 Isse tandho si negheit, nerzendhe: "Fèmina, no lu connosco".

Lc 22,58 E apustis de unu pagheddu un’atru dd’at biu e at nau: «Tui puru unu de icussus, ses!». Ma Perdu at nau: «O s’omini, dèu no seu de icussus!».

Lc 22,58 E daboi ‘e unu pagu, un'àteru candho lu 'ideit nerzeit: "Tue puru ses de issos ". Ma Pedru nerzeit: "No chi no lu so!"

Lc 22,59 E nc’est passada giai un’ora e un’atru insistiat, narendi: «A nai sa beridai, custu puru fiat cun issu, ca difatis est Galileu».

Lc 22,59 E daghi che coleit piùs o mancu un'ora, un'àteru si ponzeit a insistire nerzendhe: "A narrer sa veridade, custu puru fit cun isse, e difatis est Galileu ".

Lc 22,60 Ma Perdu at nau: «O s’omini, no iscìu ita est chi ses narendi». E in su momentu chi fiat ancoa fueddendi unu caboni at cantau.

Lc 22,60 Ma Pedru nerzeit: " Òmine, no isco su chi ses nendhe". E luego, mentras chi fit ancora faeddhendhe, cantèit su puddhu.

Lc 22,61 Insaras Gesus s’est furriau e at castiau a Perdu, e a Perdu dd’est arregodau su fueddu chi dd’iat nau su Sennori, ca «Innantis chi cantit su caboni, òi, m’as a dennegai po tres bortas».

Lc 22,61 E-i su Segnore si 'olteit e fisseit sos ojos subr'a Pedru e Pedru s'ammenteit de sas paràulas de su Segnore, candho l'aiat nadu: "Innantis chi su puddhu cantet, oe m'as a dennegare tres boltas".

Lc 22,62 E nc’est bessiu a foras eat iscapau a prangiri unu prantu marigosu.

Lc 22,62 Ch'esseit a fora e piangheit cun amargura.

Discussione

alto

Confronto sinottico traduzione campidanese Ghiani 1998-2003

© Vangelo di Marco 2003.
Traduzione dal greco in sardo campidanese, variante del Sarcidano isilese, di Antioco e Paolo Ghiani.
Traduzione dal greco in sardo logudorese di Socrate Seu.
Consulenza esegetica di Antonio Pinna

 Versetti

Discussione