Pregadorias po sa notti

Bibiografia:

Luigi Cherchi, Devozionario poetico sardo. Una raccolta di "Pregadorias antigas", Tipografia Tea s.r.l., Cagliari 1987.
 

Brunu Pittau (curada de), Nannais Nostus resànt aici, arregorta de pregadorias antigas,  Tipografia 3Esse, Serramanna (Ca), marzo 1999.

Da: Luigi Cherchi, Devozionario poetico sardo. Una raccolta di "Pregadorias antigas", Tipografia Tea s.r.l., Cagliari 1987.
 

Deu mi corcu pro mi dormire
Tre cosas a Deus tenzu a pedire:
Cunfessioni, comunione, Ozzu santu.
In nomine de su Babbu e de su Fizu e de su Spiritu Santu.

Da: Brunu Pittau (curada de), Nannais Nostus resànt aici, arregorta de pregadorias antigas,  Tipografia 3Esse, Serramanna (Ca), marzo 1999, p. 39-40

Deu mi croccu po mi dromì

is Angelus bengant po m'assistì
(Angelus benei e castiaimì)
duus (quattru) a peis e duus (quattru) a conca
Nosta Signora siat innoi pronta
narendimì (ogniunu nerit su nomini suu...) (dromi) riposa

e non timast nisciuna cosa.

Deu mi croccu po mi dromi

is Angelus bengant po m'assistì
duus a peis e duus a conca

Nosta Signora siat innoi pronta

narendimi filla/u mia/u riposa

Nosta Signora mia gloriosa.

Immoi andu e mi pongu a dromì

benei Angelus e visitaimì

Nosta Signora siat innoi pronta

fadendimì s'anninnia riposa

Nosta Signora mia gloriosa.

Deu mi croccu po mi dromì

tres cosas tengu de pedì

(a Deus tres cosa tengu de pedì:)

cunfessioni, comunioni e ollu santu

in nomini de su Babbu de su Fillu

e de su Spiritu Santu.

Deu mi croccu in custu lettu

de un Angelu protetu

cun dun'Angelu cantendi

Gesù Cristu est predichendi

cun sa luna e cun su soli

su Beatu Salvadori

su Beatu Serafinu

babbu de boni camminu

de bonu camminu derettu

de Tui sempri sia protetu.

Deu mi croccu in custu lettu

mi corcu po mi dromì

tengu tres cosas de pedì:

cunfessioni, comunioni e ollu santu

in nomini de su Babbu de su Fillu

e de su Spiritu Santu.

Deu mi croccu allirgu e cuntentu

e seu meda cunfidàu

nemmancu scìu de certu

chi mi ndi pesi a mangianu

e nai ad sumancu unu Babbu Nostu.

Po chi de sempri siat prepostu

chi sa morti non mi bengat prontamenti

nè mi bengat de repenti

sendi deu riposàu

riposàu a dogni ora

po chi non fadda su camminu.

A Osu m'invocu

o Mamma intercessora

po chi in su paradisu m'arriciais

po chi a su paradisu mi porteis

po totu s'eternidadi.

Signora de mei biendi piedadi

e s'anima m' abbrazzeis.

Gesus Nazarenu

Fillu de Maria Santissima

Rei dei is Judeus

proteggei su miu corpus

e salvaimì s'anima de su peccàu.

Cun Gesù Cristu mi croccu

cun Maria (Nosta Signora) mi dromu

cun Santu Giuseppi m'imprassu

un Angelu mi ndi scidit

(cun is Angelus mi ndi scidit,

cun is Santus mi ndi pesi)

tres cosas mi mancant:

cunfessioni, comunioni e ollu santu

in nomini de su Babbu, de su Fillu

e de su Spiritu Santu.

Cun Deus mi croccu

cun is angelus mi ndi pesu

sa Virgini Maria

mi siat sempri po cumpangia

a sa pesada e a sa croccada

s'anima mia siat rappresentada.

* Intendia in Gergei de sa bonànima de Tzia Nanda Loi. (Interessanti alcune varianti): riferita da A. Ghiani (Isili)

Deu mi nc’intru in su miu letu

cun s’angelu deretu

cun s’angelu cantendu

GesuCristu est perdichendu

cun sa luna e cun i su soli

Deus e Santu Srabadori.

*  Da : Luigi Cherchi, Devozionario poetico sardo. Una raccolta di "Pregadorias antigas", Tipografia Tea s.r.l., Cagliari 1987, p. 6:

In su lettu miu m'in c'intru
e de terra mi crobesciu;
s'anima a Deus offrexiu
e a Sa Virgini Maria;
a Deus offrexiu s'anima mia.

Seguono le tre giaculatorie

Gesus Giuseppi e Maria
a Bosu donu su coru e s'anima mia;

Gesus Giuseppi e Maria
assisteimi in s'ultima agonia;

Gesus Giuseppe e Maria,
Spirit in paxi cun Bosu
su coru e s'anima mia.
 

* Brunu Pittau (curada de), Nannais Nostus resànt aici, arregorta de pregadorias antigas,  Tipografia 3Esse, Serramanna (Ca), marzo 1999, p. 42:

A su lettu mi nci ghettu
de un Angelu protetu
cun dun Angelu cantendi
Gesù Cristu est predichendi
cun sa luna e cun su soli
Biadu Salvadori
Biadu Juanni
su malignu non m'ingannit
nè a de dì, nè a de notti
nè in s'ora de sa morti
nè in s'ora de su patìu
s'Angelu Serafi(n)u
mi siat a su fiancu
sa pesada e sa croccada
mi siat sempri accumpangiada.
Sa Virgini Maria
mi serbat po cumpangia.

* Brunu Pittau (curada de), Nannais Nostus resànt aici, arregorta de pregadorias antigas,  Tipografia 3Esse, Serramanna (Ca), marzo 1999. p. 43:

A su lettu mi nci ghettu

su Salvatori aspettu

aspettu su Salvadori

s'Angelu beatu e s'Angelu Maggiori.

*  Intendia in Gergei de sa bonànima de Tzia Nanda Loi. (Interessanti alcune varianti)`. Riferita da A. Ghiani (Isili)

Deu mi nc’intru in sa sepoltura

candu mi ndi pesu non seu sigura

e mi ndi pesu no isciu e candu

deu tres cosas a Deus incumandu

cunfessioni, cumunioni e ollu santu.

* Da : Luigi Cherchi, Devozionario poetico sardo. Una raccolta di "Pregadorias antigas", Tipografia Tea s.r.l., Cagliari 1987, p. 6:

Deu m'inc'intru in sepoltura,
de m'indi pesai non seu sigura!
Non seu sigura de m'indi pesai.
Tres cosas deppu domandai:
Cunfessioni, Comunioni e Ollu Santu:
Babbu, Fillu e Spiridu Santu!

 

*  Da : Luigi Cherchi, Devozionario poetico sardo. Una raccolta di "Pregadorias antigas", Tipografia Tea s.r.l., Cagliari 1987, p. 7:

Deu m'inc'intru in sa sepoltura
cum manna pena e manna paura,
cun manna pena e paura forti
ch'hat a benni sa dura morti
e s'hat agatai disperados
ni' oliados, ni' comunicados
ni' fattas is armas de Deus!
Anima e corpus incummandu a Bosu, Deus meus!

Il Cherchi commenta (p. 7):

La prospettiva di una morte terribile, senza «armi di Dio» (ultimi Sacramenti ed Estrema Unzione) suggerisce la grande invocazione:

Anima e corpus incummandu a Bosu Deus Meus!

(sentita a Laconi).

* Da : Brunu Pittau (curada de), Nannais Nostus resànt aici, arregorta de pregadorias antigas,  Tipografia 3Esse, Serramanna (Ca), marzo 1999, p. 40:
 

Deu mi croccu in sepultura

de mi ndi pesai non seu sigura

chi morru non scìu candu

a Deus e a sa Virgini s'anima raccumandu

*(s'anima mia e s'anima allena

Ave Maria de grazia prena)

*tres cosas de coru domandu:

cunfessioni, comunioni e ollu santu

in nomini de su Babbu de su Fillu

e de su Spiritu Santu..

Deu mi croccu in sepultura
    (mi nci ghettu in custa sepultura)

de mi ndi pesai non seu sigura

chi mi morru non scìu candu

o Signori cun misericordia Osu domandu:

cunfessioni, comunioni e ollu santu.

A sa sepultura (a su lettu) m'incintru
    (a custu fossu mi nci ghettu)

e de terra mi crobexiu

a Deus s'anima offrexiu e sa Virgini Maria

a Osu intregu

su coru e s'anima mia.

A sa sepultura m'incintru

 e de terra mi crobexiu

a Deu s'anima offrexiu
e a sa Virgini Maria
chi mi siat intercessora

(Issa mi siat in cumpangia)

 in s'ora `e sa morti mia

a sa pesada e a sa croccada

s'anima mi siat salvada.

(s'anima a Deus siat raccumandada).

Chi m'incintru a sa sepoltura

de mi ndi pesai non seu sicura

chi mi ndi pesu non scìu a innoi andu

s'anima mia a Deus raccumandu

e a sa Virgini Maria

po chi mi fazzat cumpangia   

e a sa dromida o a sa scidada

s'anima a Deus siat raccumandada.

Chi c'intru in sepultura
chi mi ndi pesi non seu sigura
chi morru non scìu candu
s'anima a Gesus raccumandu
solu in manus suas
pongiu s'anima mia
Gesus Nazarenu de is Judeus Rei
miserere de mei.

* Da: Luigi Cherchi, Devozionario poetico sardo. Una raccolta di "Pregadorias antigas", Tipografia Tea s.r.l., Cagliari 1987.

Su lettu miu est de quattru cantus
e si dd'oi ponint quattru Santus:
quattru Santus e Deu':
Giuanni, Luca, Marcu e Matteu!

NB. In una "occorrenza" ascoltata a Villacidro, al posto di "Marcu" si è inserito un "Impera": "Giuanni Luca Impera e Matteu". Chi ne ha una spiegazione, a parte le défaillances della memoria e della tradizione orale?

Variante della medesima preghiera, ma sentita a Santulussurgium e riportata a pag. 6 della medesima pubblicazione del Cherchi:

Su lettu meu est de batteru cantones
e batteru anghelos si dd'oe ponent:
duos a pes e duos a cabitza,
Nostra Segnora a su costazu m'istat
e a mie narat: «dormi, riposa;
non happas paura de mala cosa;
non happas paura de malu fine!»
Anghelu Serafinu,
Anghelu biancu,
Su Spiridu Santu,
Sa Virgine Maria
Tottu siana in cumpagnia mia!

* Da : Brunu Pittau (curada de), Nannais Nostus resànt aici, arregorta de pregadorias antigas,  Tipografia 3Esse, Serramanna (Ca), marzo 1999, p. 47-48:

Su lettu miu est de quattru cantus

nei portat (nei croccant) quattru Santus

quattru Santus de su Celu

prima prima c'est Deus,

Matteu, Luca Marcu e Juanni,

(Perdu e Giuanni Battista)

mi siant clarus a vista

(e un Angelu in su cabizzali 'e lettu).

Gesus Sacramentàu

mi perdonit chi apu peccàu.

(sìat semprì laudàu

su Santissimu Divinissimu Sacramentu.)

Su lettu miu est de quattru cantus

nei croccant quattru Santus

Santu Matteu e Santu Benedittu

e Santu Larenzu

po chi mi donit bonu pensu

bonu pensu po dromì

su Spiritu Santu siat aintru

su malignu atturit in foras:

Deus e Santus aggìudaimì!

Su lettu miu est de quattru cantus

nci croccant quattru Santus

quattru Santus de su Celu

Luca, Matteu, Marcu e Juanni

su malignu non m'ingannit

nè a de di nè a de notti

Deus mi campit de mala morti

de morti subitanea

e de acqua de funtana

e de acqua de arriu:

misericordia Deus miu.

Su lettu miu est de quattru cantus

nci croccant quattru Santus

duus a peis e duus a conca

Nosta Signora siat innoi pronta

narendimì (dogniunu innoi narat su nomini suu) riposa

Nosta Signora mia gloriosa.

Su lettu miu est de quattru cantus

nci croccant quattru Santus

quattru Santus de su Celu

duus a conca e duus a peis

e Maria a su costàu

narendimi: "dromi

e riposa" coidosa.

Su lettu miu est de quattru cantus

nci croccant quattru Santus

quattru Santus de su Celu

Juanni Luca Marcu e Matteu

duus a peis e duus a conca

Nosta Signora siat innoi pronta

po ddi nai su salve Reina

mi rassignu a Gesus a Giuseppi e a Maria

* Da Cherchi che lo prende a sua volta dal can. Giovanni Spano, Canzoni Popolari di Sardegna, vol. II, Cagliari 1863:

Anghelu de Deu
custodiu meu
custa notti illuminamì
guarda e difende a mie
ca eo m'incummando a Tie
 

Il can. Spano aggiunge in nota «Canto molto antico e popolare che udii dalla mia nonna».

* Da : Brunu Pittau (curada de), Nannais Nostus resànt aici, arregorta de pregadorias antigas,  Tipografia 3Esse, Serramanna (Ca), marzo 1999, p. 41:

Angelu miu, Angelu miu

impari a is tres Marias

a sa Mamma de su Salvadori

sa Reina de is Serafinus

Mamma de bonu camminu

de camminu derettu

siat sempri alabàu

su Santissimu Sacramentu.

* Da : Brunu Pittau (curada de), Nannais Nostus resànt aici, arregorta de pregadorias antigas,  Tipografia 3Esse, Serramanna (Ca), marzo 1999, p. 46:

Mi raccumandu a Deus

a sa gloriosa Virgini Maria

a s'Arcangelu Santu Miali

a Santu Juanni Battista

a is quattru Evangelistas

e a totus is Santus de su Celu

chi bengat a mi donai:

comunioni penitenzia e ollu santu

in nomini de su Babbu de su Fillu
e de su Spiritu Santu.

Bonanotti Gesus e Maria

Osu seis s' allirghia mia
cun Osu non pozzu essi annungiàu (rattristato)

ca de Angelus seis ingiariàu

ddoi est s'Angelu Serafinu

chi dì e notti mi mustrat su bonu camminu,

su camminu derettu sempri siat alabàu

su Santissimu Sacramentu.

Gesus e Maria, in vida e in morti

siais po sempri s'allirghia mia.

* Da : Brunu Pittau (curada de), Nannais Nostus resànt aici, arregorta de pregadorias antigas,  Tipografia 3Esse, Serramanna (Ca), marzo 1999, p. 45:

Santu Sisinni Sinnai

sola andu a mi croccai

sola sola a mi dromì

a nemus depu timì.

Mi raccumandu a Deus

a Deus s'anima raccumandu

candu istu e candu andu

candu andu e candu istu

mi raccumandu a Cristu

a Cristu e a Deus

a Juanni e a Matteu

a Matteu e a Juanni

e a Santu Mialli (Michele)

a Santu Miali in testa

anima mia podesta

podesta anima mia

in su sonnu e in bìa

in bìa e in su sonnu

in su lettu miu mi dromu

in su lettu mi dromìa

e s'Angelu ddoi tenia.

S'Angelu Gabrieli

benit a mi guardiai (castiai)

a mi guardiai (castiai) benit

po chi su malignu non m'ingannit

nè a de dì nè a de notti

nè in s'ora de sa morti.

Gesus Giuseppi e Maria

Osu raccumandu

su coru e s'anima mia.