(††) dopo un termine che appare solo una volta in tutto il Nuovo Testamento

(†) dopo un termine che appare solo una volta in Lc.

L'accento delle parole, ove non indicato, cade sulla penultima vocale.

1 E Gesus si fut postu a castiai, e at biu is chi nci poniant is ofertas insoru in s’aposentu de is orarias, e fiant arricus.
 

2 Ma at biu puru, una fiuda abbisongiosa getendinci duus soddus,
 

3 e at nau: "Deaderus, si ddu nau dèu: sa fiuda, custa pobora, nci at getau prus de totus.
 

4 Ca totus po ponni in s'oferta ant pigau de cussu chi teniant in prus, issa po contras, at pigau de su pagu chi teniat, at postu totu su beni chi teniat.

Lc 21,01 Pesèit, duncas, sos ojos e bidèit pessones ricas betendhe sas ofertas issoro in su logu ‘e sas ofertas.

Lc 21,02 Bidèit posca una pòvera batìa ‘etèndhebbi duos minudos,

Lc 21,03 e nerzèit: “In veridade bos naro chi custa batìa mancari pòvera b’at betadu piùs de totu cantos.

 

Lc 21,04 Difatis, totu custos an betadu in sas ofertas de su chi lis subraìat, pero issa, in sa povertade sua, b’at betadu totu su ch’aìat pro viver”.

5 E in s'interis chi unuscantus fueddànt de su tempru, comenti fiat cuncordau cun totu sa petzeria bella e cun is donus fatus po impromissa, at nau:
 

6 "Totu custas cosas chi bieis, at a lompiri sa di chi no ant a lassai perda in pitzus de perda chi non nd’at èssiri sciusciada".
 

7 Aici dd'ant fatu custa pregonta narendiddi: "Su maistu, candu duncas ant a èssiri custas cosas e cali su sinnali candu custas cosas funt po sussèdiri?".

Lc 21,05 E sigomente bi ndh’aìat calicunos chi de su tempiu fin nerzendhe chi fit adornadu ‘e bellas pedras e donos de promissas, nerzèit:
 

Lc 21 “Dei custas cosas che sezis mirendhe, no s’at a lassare una pedra subra s’àtera chi no siat dirruta.
 

Lc 21,07 Assoras lu preguntèin nerzendhe: “Su Mastru, candh’est, duncas, chi custas cosas an a sutzeder? e candho custas cosas an a esser acanta a sutzeder, su signale ite at a esser?”.

8 E at nau: "Castiai de non si fai cullunai , ca medas ant a benniri a nòmini miu, narendi: "Seu deu", e, "Su tempus est acostendi"; non sodigheis infatu insoru.

9 E candu eis a intèndiri de gherras e de rivolutzionis, non si sprameis, ca innantis depint sussediri custas cosas, ma no at a èssiri illuegu s'acabu".
 

10 Tandus ddis naràt: "S'at a pesai una genti contras a s'atra e un’arrènniu contras a s'atru
 

11 e nci at ari terremotus mannus e a logus famini e pestas, nci at ari spantus e de su celu sinnalis mannus.
 

12 Ma innantis de totu custas cosas ant a cicai de si cassai e s'ant a ponni in fatu e s'ant a intregai a is sinagogas e a is presonis, e si nd'ant a ingolliri ananti de urreis e guvernadoris po mori de su nòmini miu.
 

13 (Aìci) eis a tenniri manera de fai a testimongius.
 

14 Poneisì duncas in coru de non s'aprontai innantis (su de nai) po si difendiri.
 

15 Deu s'ap’a donai fueddus e sabiori chi totus
is nemigus de bosatrus no ant a podiri arresistiri e contrannarri.
 

16 E fintzas e is babbus e is mamas de bosatrus e totu, e fradis e parentis e amigus s'ant a intregai a genti chi nd'at a fai morri unuscantus de bosatrus.
 

17 E totus s'ant a tirriai po mori de su nòmini miu.
 

18 Ma nemancu unu pilu de sa conca de bosatrus s'at a perdiri.
 

19 Ma bosatrus abarrai firmus e s'eis a salvai.

Lc 21,08 Gesùs assoras nerzèit: “Abbaidade de no bos fagher trampare; medas difatis an a benner in nùmene meu nerzendhe: ‘So eo?’ e ‘Su tempus est acurtzu’. No lis ponzedas fatu!
 

Lc 21,09 Candho azis a intendher de gherras e rebellìas, no bos assustedas, ca cheret ch’innantis custas cosas sutzedan, ma sa finitìa no at a esser luego.
 

Lc 21,10 Tandho si ponzèit a lis narrer: “S’at a pesare unu pòbulu contr’a s’àteru pòbulu e unu regnu contr’a s’àteru regnu,
 

Lc 21,11 b’at a àer tremutos e in paritzos logos caristìas e pestilentzias, no solu, ma fintzas signos mannos dae su chelu.
 

Lc 21,12 Pero innantis de totu custu bos an a ponner sas manos subra e bos an a persighire, intreghèndhebbos a sas sinagogas e a sas presones, trazendhebboche a dainanti ‘e res e guvernadores pro more ‘e su nùmene meu.
 

Lc 21,13 Pro ‘ois custa at a esser s’ocajone ‘e dare testimonìa.
 

Lc 21,14 Ponìdebbos in mente, duncas, de no bos aprontare sa defensa ‘ostra in antìtzipu;
 

Lc 21,15 ca eo bos apo a dare limba e sabidorìa, de manera chi sos chi bos sun contra no an a esser capatzes ne de bos cuntrastare ne de bos contraìgher.
 

Lc 21,16 Ma bos an a intregare fintzas sos babbos e-i sas mamas, sos frades, sos parentes e-i sos amigos, e de ‘ois ndh’an a bochire,
 

Lc 21,17 e azis a esser in odiu a totugantos pro more ‘e su nùmene meu,
 

Lc 21,18 ma nemmancu unu pilu ‘e sa conca ‘ostra s’at a isperder.
 

Lc 21,19 Est sendhe costantes chi bos azis a salvare sa vida ‘ostra.

Lc 21,20 Candho posca azis a bider a Gerusalemme inghiriada de esèrcitos, tandho ischedas chi sa ruìna sua est acurtzu.
 

Lc 21,21 Tandho sos chi sun in sa Giudea si che fùan a s’ala ‘e sos montes, sos chi sun intro ‘e sa tzitade si ch’andhen atesu e-i sos chi s’agatan in sos saltos a sa tzitade no bi recùan.
 

Lc 21,22 Ca an a esser dies, cussas, de torrada ‘e sos contos, a tales chi si cumprat su ch’est istadu iscritu.
 

Lc 21,23 Iscuras sas fèminas ràidas e-i sas chi an a esser dendhe sa tita in cussas dies: ca b’at a àer disacatu mannu subra custa terra e aìru contr’a-i custu pòbulu,
 

Lc 21,24 E an a rùer fertos a ispada e los an giugher presoneris a sa ‘e totu sos pòbulos paganos; e a Gerusalemmte l’an a apetigare cussos pòbulos, fintzas chi sos tempos de-i cussos pòbulos no sian cumpridos.

Lc 21,25 Ddu at ari sinnalis in su soli, in sa luna e in is isteddus, e in sa terra atropelliu de gentis po s’arretumbu de su mari e de s’unda,

Lc 21,26 e is ominis s’ant a dismaiai po sa timorìa e s’abettu de su chi est giai lompendi in su mundu. Ca is fortzas de is celus ant’essiri treuladas.

Lc 21,27 E tandus ant a biri su Fillu de s’omini benendi ind’una nui cun fortza e gloria manna.

Lc 21,28 E candu ant a cumentzai a sussediri custas cosas pesaisindi e artzai sa conca poita ca sa liberatzioni de bosatrus est acanta».

Lc 21,25 E b’at a àer signos in su sole, sa luna e-i sos isteddhos, e subra sa terra angustìa ‘e pòbulos in pelea pro su chimentu ‘e su mare e de sas tempestas,
 

Lc 21,26 cun sos òmines morzendhe de sa timòria e de s’aisetu ‘e su ch’at a dever sutzeder a su mundhu, ca sas potentzias de sos chelos an a esser iscunvoltadas.
 

Lc 21,27 Tandho an a bider su Fizu ‘e òmine ‘enzendhe in una nùe cun potentzia e gloria manna.
 

Lc 21,28 Assoras, candho custas cosas an a comintzare a sutzeder, ponìdebbos reos e pesade sa conca, ca sa salvatzione ‘ostra est acurtzu”.

Lc 21,29 E ddis at nau unu contu: «Castiai sa mata de sa figu e totus is matas;

Lc 21,30 Candu funt giai abutonendi, biendidda, de sèi de bosatrus e totu cumprendeis ca s’istadi est giai acanta.

Lc 21,31 Aici e totu bosatrus candu bieis sussediri custas cosas cumprendeis ca s’arrenniu de Deus est acanta.

Lc 21,32 Si ddu nau deaderus, si nau ca no at a passai custa generatzioni innantis chi totu sussedat.

Lc 21,33 Su celu e sa terra ant a passai, ma is fueddus mius no ant a passai.

Lc 21,29 E lis nerzèit una similitùdine: “Osservade s’àlvure ‘e sa figu e totu sas àlvures:
 

Lc 21,30 candho sun giai frunzendhe, abbaidèndhelas cumprendhides bois matessi chi s’istìu est giai acurtzu.
 

Lc 21,31 Gai e totu ois puru, candho azis a bider sutzedendhe custas cosas, ischedas chi su regnu ‘e Deus est acurtzu.
 

Lc 21,32 In veridade bos naro chi no ch’at a barigare custa generatzione innantis chi totu custu sutzedat.
 

Lc 21,33 Su chelu e-i sa terra ch’an a barigare, pero no ch’an a barigare sas paràulas mias.

Lc 21,34 Avertéi, tandus, chi su coru de bosatrus non s’ingrait cun satzaduras e imbriagheras e pistighingius de sa vida e icussa dì non si nd’arruat in pitzus de suncùna;

Lc 21,35 comenti de unu lobu at a lompiri a pitzus de totus is chi bivint in sa faci de totu sa terra.

Lc 21,36 Abarrai iscidus e pregai in donnia tempus (donnia ora) po tenniri sa fortza de si ndi campai de totu su chi depit sussediri e de cumparri ananti de su Fillu de s’omini».

Lc 21,34 Istade a s’atenta chi sos coros bostros no si fetan graes cun rebbotadas, imbreagheras e contivizos de-i custa vida e chi cussa die no bos rùat subra a s’improvisu
 

Lc 21,35 coment’e una piàdiga; issa, difatis, at a benner subr’a totugantos sos chi viven subra sa cara ‘e totu sa terra.
 

Lc 21,36 Bizade, assoras, in d-onzi momentu, preghendhe pro àer sa fortza ‘e fuire dae totu su ch’est acanta a sutzeder e bos presentare in dainanti a su Fizu ‘e òmine.

Lc 21,37 In s’interis Gesus adeddì fiat in su tempru donendi imparu, ma adenoti nci bessiat e nci passàt sa noti in su monti de is Olivarius comenti ddi narànt.

Lc 21,38 E totu su populu a mengianeddu andàt anca fut issu a su tempru po dd’ascurtai.

Discussione

alto